تیندوے کی اکثر ویڈیو سوشل میڈیا پر وائرل ہوتی رہتی ہیں جنہیں دیکھ کر صارفین دنگ رہ جاتے ہیں۔
ایسی ہی ایک ویڈیو بھارتی ریاست اترپردیش کے شہر علی گڑھ میں میں واقع چوہدری نہال سنگھ انٹر کالج کے کلاس روم میں سامنے آئی جہاں کلاس روم میں تیندوا گھس گیا جس کی ویڈیو سوشل میڈیا پر خوب وائرل ہورہی ہے۔
بھارتی میڈیا کے مطابق تیندوے نے دسویں جماعت کے طالب علم پر صبح ساڑھے 8 بجے قریب اس وقت حملہ کیا جب وہ کلاس میں داخل ہوا تھا۔
#watch: A student of class X was attacked by a #leopard while he was entering his class at Chaudhary Nihal Singh inter college in #Aligarh’s Chharra area around 8:30 am today. The student has been sent to a hospital for treatment. Rescue operation in on. pic.twitter.com/za1Iee7fSJ
— Anuja Jaiswal (@AnujaJaiswalTOI) December 1, 2021
لڑکے نے تیندوے کو دیکھ کر وہاں سے بھاگنے کی کوشش کی جس پر تیندوے نے اسے بازو سے لپک لیا۔
ویڈیو میں دیکھا جاسکتا ہے کہ تیندوا لڑکے پر حملہ کرنے کے لیے آگے بڑھ رہا ہے، طالب علم کی کمر پر زخم آئے اور اس کی چیخوں کی آواز پر خطرے کی گھنٹی بجائی گئی جس سے تیندوا خوفزدہ ہوکر کلاس میں ہی ادھر ادھر پھرنے لگا۔
زخمی طالب علم کو فوری طبی امداد کے لیے قریبی اسپتال منتقل کیا گیا، اسکول کے پرنسپل کا کہنا ہے کہ تیندوا جس کلاس میں تھا اس کا دروازہ بند کرکے حکام کو اطلاع کردی گئی تھی۔