اسلام آباد : لاہورہائیکورٹ بارایسوسی ایشن نے26ویں آئینی ترمیم چیلنج کردی ، جس مین ترمیم کے مختلف سیکشنز غیر آئینی قراردینے کی استدعا کی گئی ہے۔
تفصیلات کے مطابق لاہور ہائیکورٹ بار ایسوسی ایشن نے 26 ویں آئینی ترمیم کیخلاف درخواست دائر کر دی، حامد خان نے ترمیم کیخلاف آئینی درخواست سپریم کورٹ میں دائر کی۔
درخواست میں استدعا کی گئی کہ سپریم کورٹ آئینی ترمیم کے سیکشن 7، 9، 10، 12، 13، 14 کو غیر آئینی قرار دیا جائے۔
مزید پڑھیں : 26 ویں آئینی ترمیم کیخلاف سپریم کورٹ میں ایک اور درخواست دائر
حامد خان نے استدعا کی کہ سپریم کورٹ ترمیم کے سیکشن 16، 17اور 21 ، آئینی ترمیم کے سیکشنز کے تحت اقدامات کو بھی غیر آئینی قرار دیا جائے۔
درخواست گزار کا کہنا تھا کہ درخواست زیر التوا ہونے تک جوڈیشل کمیشن و دیگر کو اقدامات سے روکا جائے۔
آئینی درخواست میں وفاق،جوڈیشل کمیشن، قومی اسمبلی، سینیٹ،اسپیکرقومی اسمبلی اورصدرمملکت کو فریق بنایا گیا ہے۔
