لاہور: لاہور ہائیکورٹ بار ایسوسی ایشن کے ملازم خالد نے مالی پریشانیوں سے تنگ آکر خودکشی کر لی۔
ریسکیو ذرائع نے اے آر وائی نیوز کو بتایا کہ 5 بچوں کے باپ خالد کی لاش بی آر بی نہر سے نکال لی گئی۔ متوفی کے قریبی ذرائع نے انکشاف کیا کہ خالد کو 3 ماہ سے ہائیکورٹ بار سے تنخواہ نہیں ملی تھی۔
ذرائع کے مطابق خالد دوستوں کو بتاتا تھا مالی پریشانی کا سامنا ہے بیوی بھی چھوڑ کر چلی گئی ہے۔
- Advertisement -
بار ایسوسی ایشن کے ملازم نے بی آر بی نہر میں کود کر خودکشی کی۔ واقعے کی اطلاع ملنے پر ریسکیو 1122 کے غوطہ خوروں کی ٹیم نے لاش نکالی۔
پولیس نے بتایا کہ متوفی کی اہلیہ اور بیٹے نے قانونی کارروائی سے انکار کیا ہے۔
