لاہور: ہائیکورٹ بار نے نہتے کشمیریوں پر بھارتی مظالم کے خلاف اور بھارتی مصنوعات کے بائیکاٹ کے حق میں قرار داد منظور کرلی۔
یوم الحاق کشمیر اور نہتے کشمیریوں پر بھارتی مظالم کے خلاف لاہور ہائیکورٹ بار کے جنرل ہاوس کا مذمتی اجلاس منعقد ہوا۔اجلاس کی سربراہی لاہور ہائیکورٹ بار کے صدر رانا ضیاءعبدالرحمن نے کی۔اجلاس سے خطاب کرتے ہوئے وکلاءرہنماوں نے کہا کہ کشمیر پر دوغلی پالیسی اختیار کرنے کی بجائے بھارتی جاحیت کے خلاف حکومت کو عالمی فورمز اور اوآئی سی سے رجوع کرنا چاہئیے۔
انہوں نے کہا کہ حکومت او آئی سی کے رکن ممالک کو بھارتی مصنوعات کے بائیکاٹ پر آمادہ کرئے اور کشمیریوں کی سفارتی اور اخلاقی مدد کی جائے،اس موقع پر وکلاءنے بھاتی جارحیت کے خلاف زبردست نعرے بازی کی ۔
اجلاس کے اختتام پر جدوجہد آزادی کے لئے جان کی قربانیاں دینے والے شہداءکشمیر کو زبردست الفاظ میں خراج عقیدت پیش کیا۔اجلاس میں وکلاءنے نہتے کشمیریوں پر بھارتی مظالم کے خلاف اور بھارتی مصنوعات کے بائیکاٹ کے حق میں قرار داد منظور کر لی۔
وکلا نے 20 جولائی کو یوم سیاہ کے طور پر منانے کا اعلان کیا وکلا 20 جولائی کو بازووں پر سیاہ پٹیاں باندھ کر عدالتوں میں پیش ہوں اور احتجاجی ریلی بھی نکالیں گے ۔
