The news is by your side.

Advertisement

سپریم کورٹ ججز کیخلاف سوشل میڈیا پر مہم، چیف جسٹس کا لارجر بینچ بنانے کا فیصلہ

لاہور : چیف جسٹس لاہورہائی کورٹ جسٹس قاسم خان نے سپریم کورٹ ججز کیخلاف سوشل میڈیا پر مہم کے حوالے سے لارجر بینچ بنانے کا فیصلہ کرلیا۔

تفصیلات کے مطابق چیف جسٹس لاہور ہائیکورٹ جسٹس قاسم خان نے مقامی وکیل ندیم سرور کی جانب سے سوشل میڈیا پرعدلیہ مخالف پروپیگنڈے کیخلاف درخواست پرسماعت کی۔

درخواست گزار نے موقف اختیار کیا کہ سوشل میڈیا پر سپریم کورٹ اور ہائیکورٹ کے ججز کے خلاف مہم چلائی جارہی ہے لیکن ایف آئی اے سمیت کسی ایجنسی نے ذمہ داروں کے خلاف کوئی کارروائی نہیں کی۔

درخواست گزار نے کہا عدلیہ مخالف مہم توہین عدالت کے زمرے میں آتی ہے اور اس سے عدلیہ بدنام ہو رہی ہے، استدعا ہے کہ متعلقہ حکام کو اس مہم کو روکنے اور اس کے ذمہ داروں کیخلاف کارروائی کرنے کا حکم دیا جائے۔

جس پر عدالت نے قرار دیا کہ یہ معاملہ حساس نوعیت کا ہے، لہذا اس کی سماعت کے لیے لارجر بنچ تشکیل دیا جاٸے گا، بعد ازاں عدالت نے سماعت ملتوی کرتے ہوٸے متعلقہ حکام سے جواب طلب کر لیا۔

Comments

یہ بھی پڑھیں