لاہور : لاہور ہائی کورٹ نے ریور راوی اربن پراجیکٹ کیخلاف درخواستیں قابل سماعت قرار دے دیں ، درخواستوں میں راوی اربن پراجیکٹ کوچیلنج کیا گیا ہے۔
تفصیلات کے مطابق لاہور ہائی کورٹ نے ریور راوی اربن پراجیکٹ کیخلاف درخواستوں پر کو قابل سماعت قرار دینے کا تحریری فیصلہ جاری کر دیا ، جسٹس شاہد کریم نے شیراز ذکا ایڈووکیٹ سمیت دیگر کی درخواستوں پر تحریری حکم نامہ جاری کیا۔
گیارہ صفحات پر مشتمل فیصلے میں عدالت نے ریور راوی اربن پراجیکٹ کیخلاف درخواستوں کو قابل سماعت قرار دیا اور پنجاب حکومت کے اس اعتراض کو رد کردیا کہ ترمیمی آرڈیننس کے اجرا کے بعد درخواستیں قابل سماعت نہیں ہیں ۔
درخواستوں میں ریور راوی اربن پراجیکٹ کو چیلنج کیا گیا ہے، جس میں درخواست گزاروں نے پراجیکٹ روکنے اور زمین ایکواٸر کرنے کے اقدم کو کالعدم قرار دینے کی استدعا کی۔
خیال رہے لاہور ہائی کورٹ نے ریور راوی اربن پراجیکٹ کیخلاف درخواستوں کو ناقابل سماعت قرار دینے کی حکومتی درخواست مسترد کرتے ہوئے کہا تھا کہ ہائیکورٹ ریور راوی پراجیکٹ کے خلاف درخواستوں کی سماعت کرسکتی ہے۔
