لاہور: لاہور ہائیکورٹ نے اسموگ کیس میں تحریری فیصلہ میں بروقت اقدامات نہ کرنے پر پنجاب حکومت کو ذمے دار قرار دیدیا۔
تفصیلات کے مطابق لاہور ہائیکورٹ نے اسموگ کیس کا تحریری فیصلہ جاری کر دیا ، جس میں اسموگ کیخلاف بروقت اقدامات نہ کرنے پر پنجاب حکومت کو ذمے دار قرار دیا گیا ہے۔
فیصلے میں کہا گیا ہے کہ بروقت اقدامات نہ کر کےحکومت نےغیرذمےداری دکھائی، اسموگ خوفناک حدتک بڑھنےکےباوجود حکومت نےسنجیدہ اقدامات نہیں کیے، عملی اقدامات کی بجائے اسموگ کے ڈیٹا کے تجزیوں میں وقت ضائع کیا گیا۔
چیف جسٹس لاہورمنصورعلی شاہ نےحکومت کو اسموگ ایمرجنسی ایکشن پلان پر سختی سے عملدرآمد کا حکم دیا اور کہا کہ اسموگ ایکشن پلان میں بہترترامیم کرکےرپورٹ پیش کی جائے، اسموگ ایکشن پلان میں مزیدبہتری کیلئے 3 ماہ میں اقدامات کیے جائیں۔
فیصلے میں کہا گیا ہے کہ اسموگ ایکشن پلان میں بہتری کیلئے محکمہ تعلیم اورصحت کو بھی شامل کیاجائے۔
تحریری فیصلے میں کہا گیا ہے کہ اسموگ اورآلودگی کالیول اے کیو آئی 300پوائنٹس سےبڑھےتو ایمرجنسی لگائی جائے، اسموگ اور آلودگی کے اعداد و شمارروزانہ کی بنیاد پرویب سائٹ پر جاری کیےجائیں۔
