لاہور : لاہور ہائی کورٹ نے ریڈیو پاکستان کے کنٹریکٹ ملازمین کو مستقل کرنےکاحکم دے دیا اور کہا یہ بنیادی حقوق کا معاملہ ہے اسے نظر انداز نہیں کر سکتے۔
تفصیلات کے مطابق لاہور ہائی کورٹ نے ریڈیو پاکستان کےکنٹریکٹ ملازمین کو مستقل کرنےکاحکم دیتے ہوئے 2 ماہ میں ملازمین کو مستقل کرکے رپورٹ پیش کرنے کا حکم دے دیا۔
عدالت نے کہا کہ یہ بنیادی حقوق کا معاملہ ہے اسے نظر انداز نہیں کر سکتے۔
ریڈیو پاکستان کے 23 ملازمین نے مستقل نہ کرنے کے خلاف درخواستیں دائرکی تھیں، درخواست میں کہا تھا کہ سالوں سےریڈیوپاکستان میں کام کر رہے ہیں مگر مستقل نہیں کیا جا رہا۔
