ہاؤسنگ سوسائٹیز کو مسمار کرنے کے بجائے انہیں قانونی حیثیت دی جائے، عدالت کا حکم
The news is by your side.

Advertisement

ہاؤسنگ سوسائٹیز کو مسمار کرنے کے بجائے انہیں قانونی حیثیت دی جائے، عدالت کا حکم

لاہور : لاہور ہائیکورٹ نے تمام ہاؤسنگ سوسائٹیز کو ایل ڈی اے میں رجسٹر کرنے کا حکم دے دیا، عدالت نے قرار دیا ہے کہ ہاؤسنگ سوسائٹیز کو مسمار کرنے کے بجائے انہیں قانونی حیثیت دی جائے۔

تفصیلات کے مطابق لاہور ہائی کورٹ میں جسٹس علی اکبر قریشی نے کیس کی سماعت کی، عدالت نے حکم میں کہا ایل ڈی اے کی جانب سے پنجاب بھر کی غیرقاںونی قرار دی گئی ہاؤسنگ سوسائٹیز کو ایک ماہ میں لیگل کیا جائے۔

درخواست گزار نےمؤقف اختیار کیا گیا کہ ایل ڈی اے نے متعدد ہاؤسنگ سوسائٹیز کو غیر قانونی قرار دے کر ان سے بنیادی سہولتیں چھین لی ہیں۔ ایل ڈی اے اگر بروقت ایکشن لیتا تو غیر قانونی ہاؤسنگ سوسائٹیز بن ہی نہیں سکتی تھیں۔

جسٹس علی اکبر قریشی نے قرار دیا کہ ہاؤسنگ سوسائٹیز کو مسمار کرنے کے بجائے انہیں قانونی حیثیت دی جائے، چیف سیکرٹری پنجاب تمام ہاؤسنگ سوسائٹیز کو لیگل کرنے کے لیے اعلی سطح کمیٹی تشکیل دیں۔

چیف سیکرٹری نے یقین دہائی کرائی عدالتی حکم پر من وعن عمل ہوگا جبکہ ڈی جی ایل ڈی اے نے کہا ہاؤسنگ سوسائٹیز کے مالکان سےمل کرقواعدوضوابط بنا لیتے ہیں۔

عدالت نے حکم پرہر ہفتے عمل درآمد رپورٹ طلب کرتے ہوئے سماعت ملتوی کردی۔

Comments

comments

یہ بھی پڑھیں