عدالت کا والڈ سٹی سے تجاوزات کے خاتمے اورگندگی پھیلانے پرجرمانے کا حکم -
The news is by your side.

Advertisement

عدالت کا والڈ سٹی سے تجاوزات کے خاتمے اورگندگی پھیلانے پرجرمانے کا حکم

لاہور: ہائی کورٹ میں شہر کے تاریخی مقامات سے تجاوزات کے خاتمے اور صفائی سے متعلق سماعت میں عدالت نےوالڈ سٹی سے تجاوزات کے فوری خاتمے کا حکم صادر کردیا۔

تفصیلات کے مطابق آج تاریخی مقامات سےتجاوزات کاخاتمہ اور صفائی سےمتعلق سماعت میں عدالت نےتاریخی اورتفریحی مقامات صاف رکھنے کے لیے آگاہی مہم چلانے کا حکم بھی دیا ہے۔

عدالتی حکم نامے میں کہا گیا ہے کہ متعلقہ حکام شاہی قلعےمیں گندگی اورکوڑا پھینکنے والوں کو جرمانے کرنے کی ہدایت کریں ، شاہی قلعے میں گندگی پھینکنے والےکو100 روپےجرمانہ کیاجائے۔ عدالت نے یہ بھی کہا کہ تاریخی اورتفریحی مقامات پوری قوم کا مشترکہ ورثہ ہیں ، انہیں صاف رکھنے کے لیے آگاہی مہم شروع کی جائے۔

اس موقع پر لاہور والڈ سٹی حکام کا کہنا تھا کہ تجاوزات کے خاتمے کے لیے عملی اقدامات کیےجارہے ہیں جبکہ ان تاریخی مقامات کی صفائی کو یقینی بنانے کے لیے ایک کمیٹی تشکیل دے دی گئی ہے جو کہ روزانہ کی بنیادوں پر صفائی کا جائزہ لے گی۔ حکام نے عدالت کو یہ بھی بتایا کہ تاریخی مقامات پر گندگی پھیلانے والوں پر کل سے جرمانے شروع کردیئے جائیں گے۔

یاد رہے کہ ماضی میں بھی لاہور کے والڈ سٹی کے تحفظ کو یقینی بنانے کے لیے عدالت کمرشل پلازوں کی تعمیر اور اورنج ٹرین کے روٹ کی تعمیر میں بھی والڈ سٹی کے تاریخی مقامات کی حیثیت برقرار رکھنے کے لیے احکامات جاری کرچکی ہے۔

Comments

comments

یہ بھی پڑھیں