لاہور : لاہور ہائی کورٹ نے مسلم لیگ ن کی چیف آرگنائزر مریم نوازکیخلاف توہین عدالت کی کارروائی کی اپیل مسترد کردی۔
تفصیلات کے مطابق لاہور ہائیکورٹ میں عدلیہ مخالف بیانات کے معاملے پر مسلم لیگ ن کی چیف آرگنائزر مریم نواز کیخلاف توہین عدالت کی کارروائی کیلئے انٹراکورٹ اپیل کی سماعت
ہوئی۔
جسٹس علی باقر نجفی کی سربراہی میں 2رکنی بینچ نےسماعت کی ، دوران سماعت وکیل نے استدعا کی کہ اپیل واپس لینا چاہتا ہوں اجازت دی جائے ، جس پر عدالت نے اپیل واپس لینے کی بنا پر مسترد کر دی۔
درخواست میں کہا گیا کہ سنگل بینچ نے قانونی جواز کےبغیر درخواست مسترد کی، عدالت سنگل بینچ کےفیصلےکوکالعدم قراردیتے ہوئے اپیل منظور کرے۔
درخواست گزار کا کہنا تھا کہ مریم نواز نے سرگودھا میں خطاب کرتےہوئے عدلیہ مخالف بیانات دیے، انھوں نے اعلیٰ عدلیہ کے ججز کو اسکینڈلائز کرنے کی کوشش کی، اس لئے ان کےخلاف آرٹیکل 204 کےتحت توہین عدالت کی کارروائی کی جائے۔
