لاہور : لاہور ہائی کورٹ نے چیئرمین پی ٹی آئی عمران خان کو پارٹی عہدے سے ہٹانے کی کارروائی کیخلاف درخواست سماعت کے لیے مقرر کردی۔
تفصیلات کے مطابق چیئرمین تحریک انصاف عمران خان عمران خان کو پارٹی عہدے سے ہٹانے کی کارروائی کیخلاف درخواست سماعت کے لیے مقرر کردی گئی۔
لاہور ہائی کورٹ کے جسٹس شاہدبلال حسن کی سربراہی میں پانچ رکنی بینچ 12 اپریل کوسماعت کرے گا۔
عمران خان نے الیکشن کمیشن کی کارروائی کو ہائیکورٹ میں چیلنج کررکھا ہے ، جس میں موقف اختیار کیا گیا ہے کہ الیکشن کمیشن پارٹی کے عہدے سے ہٹانے کے لیے کارروائی کررہاہے، عدالت الیکشن کمیشن کی کارروائی کالعدم قراردے۔
یاد رہے لاہور ہائی کورٹ نے عمران خان کو پارٹی چیئرمین کے عہدے سے ہٹانے کے الیکشن کمیشن کے نوٹس کیخلاف درخواست پر فل بنچ بنانے کی سفارش کی تھی۔
عدالت نے ریمارکس دئیے تھے کہ اس درخواست میں کٸی اہم قانونی نکات ہیں، دیگر اہم معاملات کی طرح اس پر بھی فل بنچ تشکیل دیا جانا چائیے۔
