The news is by your side.

Advertisement

پیٹرول بحران : اوگرا چیئرمین کام نہیں کر سکتے تو عہدہ چھوڑ دیں، لاہور ہائیکورٹ

لاہور : پٹرولیم مصنوعات کی قلت کےخلاف درخواست کی سماعت پر لاہور ہائی کورٹ نے چیئرمین اوگرا پر اظہار برہمی کرتے ہوئے کہا ہے کہ کام نہیں کرسکتے تو مستعفی ہوجائیں۔

تفصیلات کے مطابق لاہور ہائی کورٹ میں پٹرولیم مصنوعات کی قلت کےخلاف درخواست کی سماعت ہوئی، چیف جسٹس لاہور ہائیکورٹ محمد قاسم خان کی درخواست کی سماعت کی،۔

اس موقع پر عدالت نے چیئرمین اوگرا کے پیش نہ ہونے پر سخت برہمی کا اظہار کیا، چیف جسٹس لاہور ہائیکورٹ کا اپنے ریمارکس میں کہنا تھا کہ اوگرا چیئرمین کام نہیں کر سکتے تو عہدہ چھوڑ دیں۔

انہوں نے کہا کہ اوگرا والوں کی نااہلی کی وجہ سے ہی ملک میں پیٹرول کا بحران ہوا ہے۔ اس محکمہ نے بیڑہ غرق کیا ہوا ہے، چیئرمین اوگرا کاعہدہ انجوائے کرنے کے لئے نہیں ہے، اگر ادارے کام نہ کریں تو پھر عدالتوں کو نوٹس لینا پڑتا ہے۔

عدالت کا مزید کہنا تھا کہ کابینہ نے اس معاملے پر جو فیصلہ کیا یہ اچھی مثال نہیں، یوں لگتاہے کہ جیسے کابینہ کو قانون کا علم ہی نہیں، جب تک آپ کسی پر ذمہ داری عائد نہیں کریں گے تو مسئلہ کیسے حل ہوگا؟

Comments

یہ بھی پڑھیں