لیاقت میموریل لائبریری کئی دہائیوں سے کراچی کے نوجوانوں کو اعلیٰ تعلیم کے حصول میں مدد کی فراہمی میں اہم کردار ادا کر رہی ہے۔
کراچی میں پیر صبغت اللہ شاہ روڈ پر قائم لیاقت میموریل لائبریری پچھلے 75 سالوں سے طلبہ اور مطالعے کے شوقین افراد کو علم کی آگاہی میں ایک اہم کردار ادا کر رہی ہے، جہاں عام معلوماتی کتابوں سے لے کر تحقیقی مواد پر مبنی تقریباً ایک لاکھ کتابوں کا ذخیرہ موجود ہے۔
خواتین اور طالبات کے مطالعے کے لیے 3 ہال مختص کیے گئے ہیں، اس کتب گھر میں بچوں کے مطالعے کے لیے بھی علیحدہ ہال بچوں میں بہت مقبول ہے۔ اس کتب خانے میں شام کی شفٹ کا اجرا بھی کیا گیا ہے۔ یہاں آن لائن کتابیں اور اخبارات پڑھنے کے لیے ایک علیحدہ ہال اور اخبارات و جرائد پڑھنے کے شوقین افراد کے لیے بھی علیحدہ ہال ہے۔
یہاں ملک کی پبلک لائبریریوں میں کتابوں کا سب سے بڑا ذخیرہ موجود ہے، جہاں 150,000 سے زیادہ پڑھنے کے مواد کا ذخیرہ اب آن لائن تلاش کیا جا سکتا ہے۔