یوں تو پھل قدرت کا وہ انمول تحفہ ہے جس کا کوئی نعم البدل نہیں ہے، جسے شعبہ طب بھی صحت کے لیے بہت مفید قرار دیتا ہے، لیکن کچھ پھل ایسے ہوتے ہیں جسے کاٹنا یا چھیلنا کسی کوفت زدہ مرحلے سے کم نہیں ہوتا۔
ایسے ہی انار وہ پھل ہے جسے کاٹنا یا چھیلنا مشکل ترین کام میں سے ایک ہے، بعض اوقات اسے کاٹنے میں انار کے دانے بکھر جاتے ہیں اور دونوں ہاتھ بھی سرخ رنگ میں رنگ جاتے ہیں۔
لیکن اب پریشان ہونے کی ضرورت نہیں کیوں کہ انار کاٹنے کا ایسا طریقہ سامنے آیا ہے جسے دیکھ کر نہ صرف آپ حیران ہوجائیں گے بلکہ اس پر عمل کرتے ہوئے باآسانی انار کے دانوں کے مزے بھی لے سکیں گے۔
سوشل میڈیا پر وائرل ہونے والی اس ویڈیو میں دیکھا جاسکتا ہے کس طرح ایک شخص نے انار کو کاٹا اور اس کے باآسانی چھ حصے بھی کردیے، اس ویڈیو کو اب تک 30 لاکھ سے زائد افراد دیکھ چکے ہیں۔
How to effectively slice a pomegranate pic.twitter.com/WdeQwvqeMF
— Engineering (@engineeringvids) October 19, 2019
اس ویڈیو کو دیکھنے کے بعد یقیناً آپ بھی حیران ہوئے ہوں گے، اور آج سے ہی اس سلیقے اور گر کو استعمال کرتے ہوئے انار کے دانوں کو اس کی کھال سے جدا کرسکیں گے۔
کھانے سے قبل پھل کو دھونا کتنا ضروری ہے؟
سوشل میڈیا پر صارفین نے اس ویڈیو پر انتہائی حیرت کا مظاہرہ کیا، ایک صارف نے لکھا ’میں نے آج تک نہیں سوچا کہ اس طرح بھی انار کاٹا جاسکتا ہے، بہت عمدہ سلیقہ ہے‘۔
اسی طرح ایک اور صارف نے لکھا کہ ’یہ دیکھنے میں جتنا آسان لگ رہا ہے اتنا ہے نہیں، بلکہ یہ ایک مشقت طلب مرحلہ ہے، جو سیکھنے سے ہی آئے گا‘۔
