بھارت میں حیدرآباد کے پرانے شہر میں ایک افسوسناک واقعہ رونما ہوا، اپارٹمنٹ کی لفٹ ٹوٹنے سے 6 افراد شدید زخمی ہوگئے۔
بھارتی میڈیا رپورٹس کے مطابق چندولال بارہ دری کے علاقے میں ایک فلیٹ کی لفٹ اچانک ٹوٹ گئی جس کے باعث لفٹ میں سوار 6 افراد شدید زخمی ہوگئے۔
رپورٹس کے مطابق زخمی ہونے والوں میں زیادہ تر کے پاؤں ٹوٹ گئے، جنہیں اسپتال منتقل کردیا گیا ہے، حادثے کے وقت لفٹ میں موجود ایک شخص نے اس منظر کی ویڈیو بھی بنائی۔
افسوسناک حادثے کی ویڈیو بھی سوشل میڈیا پر گردش کررہی ہے، اطلاع ملتے ہی پولیس پہنچ گئی۔ جبکہ حادثہ کیسے پیش آیا اس کا فوری معلوم نہیں ہوسکا۔
اس سے قبل بھی بھارت کے لکھنؤ میں ایک افسوسناک واقعہ رونما ہوا تھا جب ایک معصوم بچی 20 منٹ تک لفٹ میں پھنسی رہی اور مدد کے لئے پکارتی رہی۔
لکھنؤ میں ایک اپارٹمنٹ کی عمارت کے اندر لفٹ میں پھنس جانے کی وجہ سے ایک معصوم بچی کو دردناک تجربے سے گزرنا پڑا۔ لڑکی مبینہ طور پر لفٹ کے اندر تقریباً 20 منٹ تک پھنسی رہی، اس دوران اس کی مدد کے لئے کوئی نہیں پہنچا۔
چھوٹی بچی کی خوفناک آزمائش کی ویڈیو لفٹ کے سی سی ٹی وی کیمروں میں قید ہوگئی اور ویڈیو سوشل میڈیا پلیٹ فارمز پر وائرل ہوگئی۔
بحر ہند میں دو کشتیاں اُلٹ گئیں، 22 جان سے گئے
ویڈیو میں دیکھا جاسکتا ہے کہ معصوم بچی جس نے اسکول کا یونیفارم پہن رکھا ہے، چیختے ہوئے مدد کی التجا کررہی ہے، جب وہ لفٹ کا دروازہ خود کھولنے کی کوشش کرتی ہے، اس دوران لفٹ میں گر بھی جاتی ہے۔
