The news is by your side.

Advertisement

کراچی میں آج بھی بارش کی پیشگوئی

کراچی: محکمہ موسمیات کا کہنا ہے کہ شہر قائد سمیت سندھ کے مختلف شہروں میں آج بھی بارش کی پیشگوئی کی گئی ہے۔

تفصیلات کے مطابق محکمہ موسمیات کا کہنا ہے کہ آج بھی سندھ بھر میں ہلکی بارش کا امکان ہے، بادل برسانے والے مون سون سسٹم کا مرکز کراچی سے نکل چکا ہے۔

محکمہ موسمیات کے ڈائریکٹر کا کہنا ہے کہ مون سون سسٹم کا مرکز جنوب مغرب کی جانب سمندر میں چلا گیا ہے لیکن کراچی میں سسٹم کے اثرات آئندہ 6 سے 8 گھنٹوں کے دوران برقرار رہیں گے۔

محکمہ موسمیات کے مطابق دوپہر تک کراچی، بدین، ٹھٹھہ، جامشورو، سانگھڑ، نوشہروفیروز، لاڑکانہ اور شہداد کوٹ میں ہلکی بارش کا امکان ہے۔

ادھر تھرپارکر میں تیز بارش سے عوام میں خوشی کی لہر دوڑ گئی ہے کیونکہ باجرےکی کاشت اور مویشیوں کے لیے چارےکا انتظام ہوگیا ہے۔

یاد رہے کہ گزشتہ روز کراچی کے مختلف علاقوں میں بادل چھائے رہے جس کے باعث کہیں ہلکی اور کہیں تیز بارش ہوئی۔ بارش کے باعث کچھ علاقوں میں پانی کھڑا ہوگیا جبکہ کئی علاقوں سے بجلی غائب رہی جس سے شہریوں کو سخت مشکلات کا سامنا کرنا پڑا۔

Comments

comments

یہ بھی پڑھیں