The news is by your side.

Advertisement

کراچی کےمختلف علاقوں میں بارش‘موسم سہانا ہوگیا

کراچی : شہرقائد کے مختلف علاقوں میں ہلکی بارش اور ٹھنڈی ہواؤں کے باعث موسم خوشگوار ہوگیا ہے۔

تفصیلات کے مطابق کراچی کے مختلف علاقوں میں صبح سویرے ہلکی بارش کے بعد موسم سہانا ہو گیا، شہر میں ٹھنڈی ہوائوں کا راج ہے جبکہ مطلع بھی ابر آلود رہنے کا امکان ہے۔

کراچی میں شارع فیصل، شاہ فیصل کالونی، ایئرپورٹ، ملیر، آئی آئی چندریگرروڈ، کھارادر، ٹاورسمیت مختلف علاقوں میں بارش ہوئی جس کے بعد موسم خوشگوار ہوگیا۔

شہرقائد میں آج صبح درجہ حرارت 29 ڈگری سینٹی گریڈ ریکارڈ کیا گیا جبکہ آج شہر کا زیادہ سے زیادہ درجہ حرارت 35 ڈگری سینٹی گریڈ تک جانے کا امکان ہے۔

محکمہ موسمیات کے مطابق ہوا میں نمی کا تناسب 74 فیصد ہے اور جنوب مغربی علاقوں سے 34 کلو میٹرفی گھنٹہ کی رفتار سے ہوا چل رہی ہے۔

خیال رہے کہ کراچی میں گرشتہ ایک دو روز سے موسم خوشگوار ہے اور آج ہونے والی ہلکی بارش نے موسم سہانا کردیا ہے۔

یاد رہے کہ رمضان کے آغاز کے ساتھ ہی گرمی، حبس، سمندری ہوا کی بندش اور غیراعلانیہ لوڈ شیڈنگ نے عوام کی زندگی اجیرن بنا دی تھی جبکہ ہیٹ اسٹروک کے پیش نظر شہرمیں جگہ جگہ امدادی کیمپ قائم کیے گئے تھے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں