نئی دہلی : بھارتی ریاست اڑیسہ میں آسمانی بجلی گرنے سے 21 افراد ہلاک اور 10 افراد زخمی ہوگئے۔

تفصیلات کے مطابق بھارتی ریاست اڑیسہ میں آسمانی بجلی گرنے کے نتیجے میں 21 افراد ہلاک ہوگئےجبکہ 10 افراد زخمی ہوئے جنہیں اسپتال منتقل کردیا گیا۔

بھارتی حکام کے مطابق آسمانی بجلی گرنے سے ہلانے والے افراد کسان ہیں جو چاول کے کھیتوں میں کام کررہے تھے۔

خیال رہےکہ بھارت میں مون سون بارشوں کے باعث اب تک تقریباً 700 افراد ہلاک ہوچکے ہیں جبکہ بارشوں نے گجرات، آسام، اتر پردیش سمیت 20 ریاستوں میں تباہی مچادی ہے جس سے بجلی کے نظام اور سڑکوں کو شدید نقصان پہنچا ہے۔

بھارتی ریاست بہارمیں آسمانی بجلی گرنےسے26 افراد ہلاک

یاد رہےکہ رواں ماہ 10 جولائی کوبھارتی ریاست بہارکے مختلف علاقوں میں جاری بارشوں کے دوران آسمانی بجلی گرنے سے 26 افراد ہلاک ہو گئے تھے۔

واضح رہےکہ بھارت میں ہلاکتوں کا ریکارڈ رکھنے والے قومی ادارے کے مطابق انڈیا میں 2005 سے ہر برس ایسے واقعات میں تقریباً دو ہزار افراد ہلاک ہو جاتے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments