کراچی: شہر قائد میں لنگڑا گروپ موٹرسائیکل چوریوں میں سرگرم ہوگیا، گروہ کاسرغنہ پیر میں لنگ ہونے کے باوجودبائیک چوری میں ماہر ہے۔
تفصیلات کے مطابق شہر قائد میں ایک لنگڑا چور منٹوں میں موٹرسائیکل کا لاک توڑ کر موٹرسائیکل لے کر فرار ہوجاتا ہے جس کی سی سی ٹی وی فوٹیج اے آر وائی نیوز نے حاصل کرلی
سی سی ٹی وی فوٹیج میں دیکھا جاسکتا ہے کہ برنس روڈ کی گلی میں ایک شخص ساتھی کے ساتھ آتا ہے، موٹرسائیکل چوری کرتا ہے اور بڑی آسانی سے فرار ہوجاتا ہے ۔
پولیس رپورٹ کے مطابق رواں سال کراچی سے تقریبا تیرہ ہزار موٹرسائیکلیں چوری کی گئی سب سے زیادہ ضلع ایسٹ گلشن اقبال سےپانچ سو موٹرسائیکلیں چوری کی گئیں نیٹ کورنگی سے تین سو ستائیس اور ناظم آباد سے دو سو ستتر موٹرسائیکلیں چوری ہوئیں ۔
پولیس کا کہنا ہے کہ چوری شدہ موٹرسائیکلیوں کو پارٹس کی صورت میں فروخت کردیا جاتا ہے یا پھر اندورن سندھ لےجاکر بیچ دیا جاتا ہے۔
