میڈرڈ : اسٹار فٹبالر لائنل میسی کی ٹیم کو دھچکا لگ گیا۔ بارسلونا کی ٹیم فٹبال چیمپئنز لیگ سے باہر ہوگئی۔ کیمپ نو اسٹیڈیم میں بارسلونا کی ٹیم بقاء کی جنگ ہارگئی۔
چیمپئنز لیگ کوارٹرفائنل کے دوسرے لیگ میں یووینٹس کے ڈیفینڈرز نے اپنا کام کردیا۔ بارسلونا کو سیمی فائنل میں انٹری کیلئے زیادہ گول مارجن سے کامیابی درکار تھی لیکن ایسا نہ ہوسکا۔
پہلے ہاف میں مقابلہ بغیر کسی گول کے برابر رہا۔ دوسرے ہاف میں بھی بارسلونا نے گول کرنے کیلئے سردھڑ کی بازی لگائی لیکن ناکام رہے۔
- Advertisement -
لائنل میسی ہربار اٹیک کے بعد بھی بدقسمت رہے۔ میچ برابر ہوا تو یووینٹس کی ٹیم ایگریگیٹ پر تین گول کی برتری کے ساتھ سیمی فائنل میں پہنچ گئی۔ بارسلونا کا سفر کوارٹرفائنل میں ختم ہوگیا۔
