ارجنٹائن کے اسٹار فٹبالر لیونل میسی ایک بار پھر فیفا کے بہترین پلیئر منتخب ہوگئے انہوں نے تیسری بار یہ اعزاز حاصل کیا ہے۔
لیونل میسی کو 2023 کے لیے سال کا بہترین پلیئر منتخب کیا گیا، لیونل میسی نے اس سے قبل 2019ء اور 2022ء میں بھی یہ ٹائٹل جیتا تھا۔
مجموعی ووٹنگ کے بعد ایرلنگ ہالینڈ اور میسی کے درمیان ٹائی ہوا تھا۔ میسی اور ہالینڈ کے پوائنٹس 48، 48 تھے اور فیفا ایوارڈ قوانین کے مطابق میسی کو دیگر کپتانوں کی اولین چوائس ہونے کی بنیاد پر منتخب کیا گیا۔
پلیئر ایوارڈ کی ووٹنگ میں کپتان، کوچز، میڈیا نمائندوں اور فینز نے حصہ لیا، مینز پلیئر آف دی ایئر کی لسٹ میں کلییان ایمباپے 35 پوائنٹس سے تیسرے نمبر پر آئے۔
علاوہ ازیں برازیل کے ایڈرٹن کو بہترین گول کیپر کا ایوارڈ دیا گیا جبکہ اسپین کی آئیتانا بونماتی خواتین کی بہترین پلیئر اور انگلینڈ کی میری ائیرپس بہترین گول کیپر قرار پائیں۔
رپورٹس کے مطابق فیفا پلیئر آف دی ایئر کی تقریب لندن میں ہوئی اس تقریب میں لیونل میسی نے شریک نہیں کی تھی۔
یاد رہے کہ ارجنٹینا نے دسمبر 2022 میں لیونل میسی کی قیادت میں فیفا ورلڈ کپ جیتا تھا، اسی ورلڈ کپ میں لیونل میسی پلیئر آف دی ٹورنامنٹ کا ایوارڈ جیتنے میں بھی کامیاب رہے تھے۔
