شیر اور مگر مچھ دو ایسے جانور ہیں جن کے بارے میں طے کرنا مشکل ہے کہ کون زیادہ خطرناک ہے، لیکن اگر یہ دونوں جانور آپس میں بھڑ جائیں تو کیا ہوگا؟
سوشل میڈیا پر وائرل ایک ویڈیو میں دیکھا جاسکتا ہے کہ کچھ شیر ایک مگرمچھ پر کئی بار شدید حملہ کرتے ہیں اور کس طرح ایک شیر، مگر مچھ کو اپنے پاؤں سے گھسیٹنے کی کوشش کرتا ہے۔
یہ ویڈیو ایک 15 سالہ طالب علم کونور ڈاؤس نے اپنے اہل خانہ کے ساتھ جنوبی افریقہ میں ایک گیم ریزرو کا دورہ کرتے ہوئے ویڈیو بنائی اور اسے کروگر نیشنل پارک کے سیاحوں کے انسٹاگرام پیج پر پوسٹ کیا۔
انہوں نے کہا کہ ہم نے ایک شیر کو ڈیم کے ساتھ کچی سڑک پر جاتے ہوئے دیکھا، پھر چند دوسرے شیر بھی سامنے آئے۔ یہ سب چلتے ہوئے دھوپ میں پڑے ایک مگرمچھ کے پاس پہنچے۔
ان میں سے ایک شیر نے مگرمچھ کو گھسیٹںے کی کوشش کی مگر وہ بھرپور مزاحمت کرتا رہا۔
آخر میں مگرمچھ بھاگنے میں کامیاب ہوگیا، مگرمچھ تیر کر دور چلا گیا اور شیر ایسے لیٹ گئے جیسے کچھ ہوا ہی نہیں۔
