site
stats
لائف اسٹائل

ننھی منی ڈزنی شہزادیوں سے ملیں

کون ایسا ہوگا جو ڈزنی فلموں کی خوبصورت اور دلکش شہزادیوں کا دلدادہ نہ ہوگا۔ نہایت معصوم اور ہمت و حوصلے سے بھرپور یہ شہزادیاں بچوں اور بڑوں سب ہی کو متاثر کرتی ہیں۔

ایسی ہی ایک نرس بھی ان شہزادیوں کی اس قدر دیوانی ہے کہ ان سے متاثر ہو کر اس نے ایک نہایت ہی انوکھا فوٹو شوٹ کر ڈالا جس میں ننھی منی بچیوں کو ڈزنی شہزادیوں کے روپ میں پیش کیا گیا ہے۔

کیرن میری نامی یہ نرس خود بھی 2 بیٹیوں اور ایک بیٹے کی ماں ہے، تاہم مذکورہ خیال کی تکمیل کے لیے اسے شیر خوار بچیوں کی ضرورت تھی۔

آٹھ گھنٹے طویل اس فوٹو شوٹ کے لیے کیرن اور اس کی ٹیم نے نہ صرف ان بچیوں کو شہزادیوں جیسا تیار کیا، بلکہ آس پاس کے ماحول کو بھی فلم کے مناظر کی طرح ہی تشکیل دیا جس سے یہ فوٹو شوٹ نہایت خوبصورت بن گیا۔

آئیں ان ننھی منی ڈزنی شہزادیوں سے ملتے ہیں۔

سلیپنگ بیوٹی پھولوں کے بستر پر محو استراحت ہے۔

بیوٹی اینڈ دا بیسٹ کی بیلے اپنے مشہور زمانہ زرد لباس اور بیسٹ کے سرخ پھول کے ساتھ موجود ہے۔

فلم الہٰ دین کی جیسمین جادوئی قالین پر سو رہی ہے جو تاروں سے بھرے رنگین آسمان میں محو پرواز ہے۔

سنڈریلا اپنے جادوئی کدو کے ساتھ، جو جادو کے زور سے شاندار بگھی میں تبدیل ہو کر اسے محل میں لے جاتا ہے۔

دی لٹل مرمیڈ کی ایریل اپنی دوست مچھلی کے ساتھ۔

سنو وائٹ اور 7 بونوں کی شہزادی اپنے ننھے منے دوستوں کے ساتھ۔

آپ کو ان ننھی شہزادیوں میں کون سی سب سے زیادہ پسند آئی؟


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top