انسان تو انسان اب بندر کے بچے بھی اسمارٹ فون کے لیے ضد کرنے لگے ہیں۔
سوشل میڈیا پر ایک نہایت دل چسپ ویڈیو وائرل ہوئی ہے جس میں ایک ننھا بندر اسمارٹ فون چھینے کی کوشش کر رہا ہے لیکن بندریا اسے مسلسل روک رہی ہے۔
یہ ویڈیو ٹویٹر پر انڈین فاریسٹ سروس آفیسر سوسنتا نندا نے شیئر کی ہے، انھوں نے یہ دل چسپ جملہ بھی لکھا کہ نوجوان نسل اسمارٹ فونز کی دیوانی ہے۔
ویڈیو میں بالکل انسانوں کے بچوں کی طرح بندر کا بچہ اسمارٹ فون کے لیے کافی متجسس نظر آ رہا ہے، اور اس کے مالک سے اسے چھیننے کی کوشش کر رہا ہے۔
Young generation is mad with smart phones ☺️ pic.twitter.com/hFg8SH9VyZ
— Susanta Nanda IFS (@susantananda3) August 10, 2022
دراصل کسی نے بندریا اور اس کے ننھے بچے کی تصویر لینی چاہی، تو ننھے بندر کو موبائل فون بہت بھا گیا، لیکن ماں اسے مسلسل اپنی طرف کھینچتی رہی، اور وہ فون پکڑنے کے لیے واپس جاتا رہا، کافی دیر یہ دل چسپ کھینچا تانی جاری رہی۔
صارفین نے اس ویڈیو پر بہت دل چسپ تبصرے کیے، ایک صارف نے لکھا "گھر گھر کی کہانی۔”
ایک صارف نے لکھا کہ بچہ تو اسمارٹ فون سے چپک گیا ہے، اور دوسرے صارف نے اس پر لکھا لیکن ہر نسل میں ماں کا رویہ ایک سا ہی ہوتا ہے۔
