آٹھ روز سے نیوکراچی سے تعلق رکھنے والے بچے صارم کی گمشدگی پر گورنر سندھ کامران ٹیسوری نے شدید اظہار برہمی کیا ہے۔
گورنر سندھ نے 7 سالہ صارم کی گمشدگی کا نوٹس لیتے ہوئے ایس ایس پی سینٹرل زیشان صدیقی سے رابطہ کیا ہے، گورنر نے بچے کی گمشدگی کے واقعے پر بریفنگ لی، ایس ایس پی سینٹرل نے بتایا کہ بچے کے والدین کو مدرسے کے مؤذن پر شک ہے۔
گورنر سندھ نے آٹھ سالہ بچے صارم کی گمشدگی کے حوالے سے کہا کہ انٹیلجنس شئیرنگ کو بڑھائیں، جلدازجلد بچے کو بازیاب کرایا جائے۔
گورنر سندھ کامران ٹیسوری متاثرہ فیملی سے ملنے نیوکراچی ان کی رہائش گاہ پہنچ گئے، گورنر سندھ نے صارم کے والد سے ملاقات کی۔
کامران ٹیسوری نے بچے کے والد سے واقعے کی پوری تفصیلات معلوم کیں، گورنر سندھ نے اس موقع پر صارم کے والدین کو مکمل تعاون کی یقین دہانی کرائی۔
کامران خان ٹیسوری نے فیملی سے گفتگو کرتے ہوئے کہا کہ پولیس حکام سے بھی بات کی ہے، آپ کا بچہ لاوارث نہیں، ہرممکن اقدامات کیے جائیں گے۔
