اسلام آباد : پاکستان اور امریکہ سے تعلق رکھنے والے ماہرین نے بچوں میں جگر کے کینسر اور اْن کی نشوونما میں رکاوٹ کا سبب بننے والے ایک زہریلے فنگس کے خاتمہ کے لئے دو طرفہ تعاون کو فروغ دینے کا اعلان کیا ہے۔
اس مشترکہ منصوبہ کے مقاصد میں بیماریوں سے پاک خوراک فراہم کر کے پاکستانی شہریوں کی غذا اور صحت کی دیکھ بھال کرنا بھی شامل ہے، امریکی محکمہ زراعت کے تعاون سے کھیتوں سے "ایفلا ٹاکسن” کو ختم کرنے کیلئے امریکی محکمہ زراعت کی فراہم کردہ جدید ٹیکنالوجی استعمال کی جائے گی ۔
جہاں یہ پوری فصل کی باون فی صد حصے کو متاثر کرتا ہے۔ اس مشترکہ منصوبہ کی وجہ سے پاکستان کو نہ صرف محفوظ سبزیاں مکئی اور خشک میوہ پستہ ،بادام اور اخروٹ کاشت کرنے والے ممالک کی فہرست میں صف اول کا مقام حاصل ہوجائے گا، بلکہ مویشیوں کے لئے بھی محفوظ چارہ کاشت کرنے میں بھی مدد ملے گی۔
امریکہ کے نائب سفیر جان ہوور نے منصوبہ کی افتتاحی سے تقریب سے خطاب میں کہا کہ یہ منصوبہ ہزاروں پاکستانیوں کی تندرستی اور روزگار میں بہتری لائے گا اور اس سے پاکستانی اشیاء کی برآمدی قدر میں اضافہ سے معاشی ترقی بھی ہوگی۔
