قاہرہ: مصر کی فٹبال ٹیم اور انگلش فٹبال کلب لیورپول کے معروف کھلاڑی محمد صلاح کرونا وائرس کا شکار ہوگئے ہیں۔
بین الاقوامی میڈیا رپورٹ کے مطابق عالمی شہرت یافتہ فٹبالر محمد صلاح کا کرونا ٹیسٹ مثبت آگیا ہے، ٹیسٹ مثبت آنے پر صلاح کو ٹیم سے الگ کرکے قرنطینہ کردیا گیاہے۔
#LFC forward Mohamed Salah has tested positive for Covid-19, the Egyptian FA has confirmed.
— Sky Sports News (@SkySportsNews) November 13, 2020
مصر ٹیم انتظامیہ کے مطابق اسٹار فٹبالر محمد صلاح میں کرونا کی کوئی علامات نہیں ہے، انتظامیہ کے مطابق صلاح کی طبیعت بہتر ہے۔
واضح رہے کہ محمد صلاح نے تین روز قبل اپنے بھائی ناصر صلاح کی شادی میں شرکت کی تھی اور تقریب میں رقص بھی کیا تھا تاہم اب وہ عالمی وباء کا شکار ہونے کے باعث ہفتے کو ٹوگو کے خلاف ہونے والے افریقہ کپ آف نیشنز کا میچ نہیں کھیلیں گے۔
مصری اسٹار فٹبالر محمد صلاح نے لیورپول کی جانب سے انگلش پریمیئر لیگ میں گولز کی برق رفتار ففٹی کا اعزاز حاصل کر رکھا ہے، اس سے قبل لیور پول کی جانب سے تیز رفتاری سے 50 گولز کرنے کا ریکارڈ فرنانڈوٹورس کے پاس تھا جو انھوں نے 72 میچز میں بنائے تھے،صلاح نے لوئس سواریز کے مقابلے میں 17 اور روبی فولر کے مقابلے میں 19 میچز قبل یہ اعزاز پایا۔