ہفتہ, جولائی 5, 2025
اشتہار

ایل این جی میگا اسکینڈل کیس: چیف جسٹس نے پراسیکیوٹرجنرل نیب کو طلب کرلیا

اشتہار

حیرت انگیز

اسلام آباد : سپریم کورٹ میں ایل این جی میگا اسکینڈل کیس کی سماعت کے دوران چیف جسٹس نے ریمارکس دیے کہ ایل این جی کی درآمد میں کرپشن کی نیب تحقیقات کررہی ہے۔

تفصیلات کے مطابق سپریم کورٹ میں چیف جسٹس میاں ثاقب نثار کی سربراہی میں ایل این جی میگا اسکینڈل کیس سے متعلق سماعت ہوئی۔

درخواست گزار نے موقف اختیار کیا کہ مہنگے داموں ایل این جی درآمد کا معاہدہ کیا گیا جس سے ملک کو اربوں ڈالر کا نقصان ہو رہا ہے۔

چیف جسٹس نے ریمارکس دیے کہ ایل این جی کی درآمد میں کرپشن کی نیب تحقیقات کررہی ہے، تحقیقات کرنا سپریم کورٹ کا کام نہیں ہے۔

انہوں نے ریمارکس دیے کہ نیب کو بلا کرپوچھ لیتے ہیں ان کی تحقیقات کہاں تک پہنچی، نیب کی رپورٹ کی روشنی میں پھرکارروائی آگے بڑھائیں گے۔

چیف جسٹس میاں ثاقب نثار نے اسفسار کیا کہ کیا نیب کا کوئی نمائندہ عدالت میں موجود ہے جس پرعدالت کو نفی میں جواب ملا جس پرچیف جسٹس نے کہا کہ نیب کا ایک نمائندہ ہروقت ایڈووکیٹ جنرل کی سماعت میں ہونا چاہیے۔

یاد رہے کہ سابق وزیراعظم نوازشریف کے دور حکومت میں سابق وزیرپٹرولیم شاہد خاقان عباسی نے قطرکے ساتھ ایل این جی درآمد کے معاہدے پردستخط کیے تھے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں