اسلام آباد: احتساب عدالت میں ایل این جی کیس کی سماعت آج ہوگی، 14روزہ جسمانی ریمانڈ مکمل ہونے پر نیب شاہدخاقان کو پیش کرے گا۔
تفصیلات کے مطابق شاہد خاقان عباسی ایل این جی کیس میں چودہ روزہ جسمانی ریمانڈ پر نیب کے حوالے کیے گئے تھے، آج نیب دوبارہ انہیں عدالت میں پیش کرے گی۔
ذرایع کا کہنا ہے کہ نیب شاہد خاقان کے جسمانی ریمانڈ میں مزید توسیع کی استدعا کرئے گا، سابق وزیراعظم شاہدخاقان عباسی پر کرپشن اور کرپٹ پریکٹسز کے الزمات ہیں۔
احتساب عدالت نے پندرہ اگست کو ایل این جی اسکینڈل کیس میں گرفتار سابق وزیراعظم شاہد خاقان عباسی کو 14 روزہ جسمانی ریمانڈ پر نیب کے حوالے کیا تھا۔
ایل این جی کیس، شاہد خاقان عباسی 14 روزہ جسمانی ریمانڈ پر نیب کے حوالے
یاد رہے 18 جولائی کو قومی احتساب بیورو (نیب) نے مسلم لیگ ن کے رہنما اور سابق وزیراعظم شاہد خاقان عباسی کو گرفتار کیا تھا۔ نیب نے شاہد خاقان عباسی کو ایل این جی کیس میں طلب کر رکھا تھا لیکن انہوں نے نیب میں پیش نہ ہونے کا فیصلہ کیا تھا۔
بعد ازاں احتساب عدالت نے ایل این جی کیس میں گرفتار مسلم لیگ ن کے رہنما و سابق وزیراعظم شاہد خاقان عباسی کو 13 روزہ جسمانی ریمانڈ پر نیب کے حوالے کردیا تھا۔
