لاہور: وزیراعلیٰ پنجاب شہبازشریف کا کہنا ہے کہ سابق کرپٹ حکمرانوں نے قومی وسائل کی لوٹ مار کی اوراپنی جیبیں بھریں۔
تفصیلات کے مطابق لاہور سے جاری بیان میں وزیراعلیٰ پنجاب شہبازشریف نے کہا کہ بجلی کےاندھیرے سابق حکمرانوں کی کرپشن کےتحفے ہیں جبکہ سابق کرپٹ حکمرانوں نے بجلی بحران کے خاتمے پر توجہ نہیں دی۔
شہبازشریف نے کہا کہ سابق حکمران بجلی بحران کے خاتمے پر توجہ دیتے تو ملک اندھیروں میں نہ ڈوبتا۔ انہوں نے کہا کہ ترقی کے سفر میں روڑے اٹکانے والوں کو قوم معاف نہیں کرے گی۔
وزیراعلیٰ پنجاب نے کہا کہ دھرنوں کی آڑ میں معیشت کےساتھ گھناؤنا کھیل کھیلا گیا، پاکستان کی قسمت سے کھیلنے والوں کو ترقی اور خوشحالی عزیز نہیں ہے۔ انہوں نے کہا کہ 2018 کےانتخابات میں بھی کامیابی حاصل کریں گے۔
شہبازشریف نے کہا کہ ایک طرف وسائل کی لوٹ مار کرنے والے سابق حکمران ہیں جبکہ دوسری طرف منفی طرز سیاست سے قوم کی مشکلات بڑھانے والے ہیں۔
مسلم لیگ ن نےسیاست کوہمیشہ عوام کی خدمت کا ذریعہ سمجھا‘ شہبازشریف
یاد رہے کہ گزشتہ روزوزیراعلیٰ پنجاب شہبازشریف کا کہنا تھا کہ مسلم لیگ ن نےسیاست کوہمیشہ عوام کی خدمت کا ذریعہ سمجھا، سوا 4 سال میں عوامی خدمت کی نئی مثالیں قائم کی ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
