کراچی: شہرقائد میں کئی کئی گھنٹوں تک غیراعلانیہ لوڈ شیڈنگ نے شہریوں کی زندگی اجیرن بنادی، جبکہ لوڈ شیڈنگ سے متاثرین پانی کی بوند بوند کو ترس گئے۔
تفصیلات کے مطابق کراچی کے متعدد علاقوں میں طویل لوڈ شیڈنگ نے لوگوں کو گھروں سے نکلنے پر مجبور کردیا، پمپنگ اسٹیشن بھی بجلی کی لوڈ شیڈنگ سے متاثر لوگ پانی کی بوند بوند کو ترس گئے۔
کراچی کے علاقوں نارتھ ناظم آباد، حسرت موہانی سوسائٹی، حسین ڈی سلواٹائون میں لوڈ شیڈنگ نے لوگوں کا جینا دوبھر کر دیا جبکہ ناظم آباد، پہاڑگنج پاپوش نگر اور اطراف کے علاقوں میں بھی بجلی غائب ہے۔
کئی کئی گھنٹے بجلی بند ہونے سے گھروں میں پانی کی قلت سے شہری پریشان ہو گئے، مختلف علاقوں میں طویل لوڈشیڈنگ سے پمپنگ اسٹیشن بھی متاثر ہوئے۔
وایو طوفان : کل کراچی میں ہیٹ ویو، آندھی کے ساتھ ہلکی بارش کا بھی امکان
دوسری جانب محکمہ موسمیات نے کراچی میں ہیٹ ویوالرٹ جاری کرتے ہوئے شہریوں کو خبردار کیا ہے کہ وہ شدید گرمی میں احتیاطی تدابیر اختیار کریں، کل موسم شدید گرم رہے گا جبکہ آندھی اور ہلکی بارش کا بھی امکان ہے۔
محکمہ موسمیات کے مطابق گذشتہ روز شہر قائد میں زیادہ سے زیادہ درجہ حرارت 40ڈگری ریکاڈ کیا گیا، شام کے وقت شہر کا درجہ حرارت33ڈگری سینٹی گریڈ رہا۔
