کراچی: شہر کے مختلف علاقوں میں ہر ایک سے دو گھنٹے بعد تین گھنٹے کی لوڈشیڈنگ کی جارہی ہے، جس سے شہریوں اور طلبا و طالبات کو شدیدمشکلات کا سامنا ہے۔
تفصیلات کے مطابق کراچی کے مختلف علاقوں میں غیر اعلانیہ لوڈشیڈنگ کا سلسلہ جاری ہے، شاہ فیصل کالونی، ملیر، لیاقت آباد،نارتھ کراچی ،سرجانی ٹاؤن، انڈھی،کورنگی،میمن گوٹھ ، محمودآباد،اخترکالونی،قیوم آباد میں لوڈشیڈنگ سے شہریوں کو مشکلات کا سامنا ہے۔
کراچی کے مختلف علاقوں میں ہر ایک دو گھنٹے بعد 3 گھنٹے کی لوڈشیڈنگ کی جارہی ہے، جس سے انٹر کے امتحانات کی تیاری کرنے والے طلبا و طالبات کو شدیدمشکلات کا سامنا ہے۔
چیئرمین انٹر بورڈ کا کہنا ہے کہ دوپہر کے اوقات میں امتحانی مراکزبھی لوڈشیڈنگ کی زدمیں رہتےہیں، متعددامتحانی مراکزسےدوپہرکی شفٹ میں لوڈشیڈنگ کی شکایت مل رہی ہیں۔
شہریوں کا کہنا ہے کہ رات کے اوقات میں بجلی کی بندش نے ذہنی اذیت سے دوچار کردیا ہے۔
