کوئٹہ : اسٹیٹ بینک نے پسماندہ علاقوں کی خواتین کیلئےآسان شرائط پرقرضہ اسکیم متعارف کرائی ہے، خواتین اسکیم کےتحت 15 لاکھ روپےتک کاقرضہ لےسکتی ہیں۔
اس بات کا اعلان گورنراسٹیٹ بینک طارق باجوہ نے کوئٹہ میں ایک تقریب سے خطاب کرتے ہوئے کیا، انہوں نے بتایا کہ خواتین کو دیئے جانے والے قرضےکی زیادہ سے زیادہ مدت5سال ہوگی جس میں6ماہ کا گریس پیریڈ شامل ہوگا۔
کاروبار کیلئےقرضہ لینے والی خواتین پرمارک اپ کی شرح 5 فیصد ہوگی، اسٹیٹ بینک صفر فیصد کی شرح پر بینکوں کو فنانس فراہم کرے گا، طارق باجوہ نے کہا کہ امید ہے کہ بینک اس اسکیم کو کامیاب بنائیں گے۔
مزید پڑھیں: ٹرمپ کی دھمکی کا فوری معاشی اثرنہیں ہوگا، طارق باجوہ
علاوہ ازیں گورنراسٹیٹ بینک طارق باجوہ نے اپنے دورے کے موقع پر گورنر بلوچستان محمد خان اچکزئی سے بھی ملاقات کی ، بعد ازاں انہوں نے کوئٹہ چیمبرز کے عہدیداروں سے ملاقات کی۔
0
20
