The news is by your side.

Advertisement

بھارت نے 70سے زائد بارایل اوسی کی خلاف ورزی کی، دفترخارجہ

اسلام آباد: دفترخارجہ کا کہنا ہے کہ بھارت نے سترسے زیادہ مرتبہ لائن آف کنٹرول اورجنگ بندی کی خلاف ورزی کی، بھارت سے ان خلاف ورزیوں پراحتجاج کیا ہے۔

اسلام آباد میں میڈیا بریفنگ سے خطاب میں ترجمان دفتر خارجہ قاضی خلیل اللہ نے کہا کہ بھارت کی جانب سے ایل اوسی کی خلاف ورزی کا معاملہ بین الاقوامی فورمز میں اٹھایا ہے۔ عالمی فورمز نے پاکستان کے مؤقف کی حمایت کی۔

انہوں نے کہا کہ دہشتگردی صرف بھارت کا نہیں پورے خطے کا مسئلہ ہے، بھارت الزام لگانے کے بجائے ثبوت فراہم کرے۔ پاک بھارت مذاکرات کا ایجنڈا تیارکرنے کے لئے ایک دوسرے سے رابطے میں ہیں۔

ترجمان کا کہنا تھا حریت رہنماؤں سے ملاقات معمول کی بات ہے، طالبان مذاکرات کا پہلا دور کامیاب رہا، مذاکرات کو آگے بڑھانا افغان حکومت کا کام ہے، افغانستان سے برادرانہ تعلقات ہیں تاہم کچھ الزامات کی وجہ سے تعلقات مشکلات کا شکار ہیں۔

Comments

comments

یہ بھی پڑھیں