site
stats
پاکستان

ایل اوسی پربھارتی فوج کی فائرنگ، 75سالہ خاتون شہید

ispr

راولپنڈی : بھارتی فوج نے لائن آف کنٹرول کے چری کوٹ سیکٹر پر بلااشتعال فائرنگ کی جس کے نتیجے میں ایک ضعیف خاتون شہید ہوگئیں، پاک فوج نے دشمن کی جارحیت کا منہ توڑ جواب دیا۔

تفصیلات کے مطابق بھارتی فوج کی جانب سے کنٹرول لائن پر سیز فائر معاہدے کی خلاف ورزی کا سلسلہ تاحال جاری ہے۔

لائن آف کنٹرول کے چری کوٹ سیکٹر پر بھارتی فوج نے اپنی بربریت کا مظاہرہ کرتے ہوئے شہری آبادی پر فائرنگ کردی۔

پاک فوج کے شعبہ تعلقات عامہ آئی ایس پی آر کے مطابق بھارتی فورسز نے ککوٹا گاؤں کی شہری آبادی کو نشانہ بنایا، بلااشتعال فائرنگ سے75سالہ محمودہ بیگم موقع پر ہی شہید ہوگئیں۔

آئی ایس پی آر کا کہنا ہے کہ پاک فوج نے بھرپور جوابی کارروائی کرتے ہوئے بھارتی بنکرز کو نشانہ بنایا جس کے بعد دشمن کی بندوقیں خاموش ہوگئیں۔


مزید پڑھیں: بھارت کی بلااشتعال فائرنگ، 2 بچے شہید، 3 بھارتی فوجی ہلاک


یاد رہے کہ اس سے قبل بھی لائن آف کنٹرول پر بھارتی فوج کی جانب سے چری کوٹ سیکٹر میں آبادی پر کی جانے والی فائرنگ اور گولہ باری کے نتیجے میں2 بچے شہید ہوگئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top