راولپنڈی : بھارت کی جانب سے لائن آف کنٹرول (ایل او سی) پر سیز فائر کی خلاف ورزی کرتے ہوئے پاکستانی پوسٹوں پر بلااشتعال فائرنگ کی، پاک فوج نے منہ توڑ جواب دیتے ہوئے دشمن کی توپوں کو چُپ کرادیا۔
اس حوالے سے سیکیورٹی ذرائع کا کہنا ہے کہ بھارت نے آج رات ایل او سی کے متعدد مقامات پر پوسٹوں پر فائرنگ کی، پاک فوج نے بھارتی فوج کی بلااشتعال فائرنگ کا منہ توڑ جواب دیا۔
سیکیورٹی ذرائع کا کہنا ہے کہ بھارتی فوج کی جانب سے ایل او سی کے نکیال، کھوئی رٹہ، شاردا اور کیل سیکٹرز میں قائم پوسٹوں پر فائرنگ کی گئی۔
بھارت نے نیلم اور حاجی پیر سیکٹرز میں بھی بلااشتعال فائرنگ کی، سیکیورٹی ذرائع نے بتایا کہ پاک فوج دشمن کی کسی بھی جارحیت کا منہ توڑ جواب دینے کیلئے ہروقت تیار ہے۔
