راولپنڈی: بھارت نے لائن آف کنٹرول کی ایک بار پھر خلاف ورزی کرتے ہوئے دیوا سیکٹر پر اشتعال انگیزی کی کوشش کی جسے پاک فوج کے مستعدد جوانوں نے بھرپور انداز سے ناکام بنادیا۔
پاک فوج کے شعبہ تعلقاتِ عامہ (آئی ایس پی آر) کی جانب سے جاری ہونے والے اعلامیے کے مطابق بھارت کی ایل اوسی پراشتعال انگیزی کاسلسلہ جاری ہے مگر پاک فوج کے مستعدد جوان اس کا منہ توڑ جواب دے رہے ہیں۔
لائن آف کنٹرول کے دیوا سیکٹر پر بھارت نے اشتعال انگیزی شروع کی تو پاک فوج نے بھرپور جوابی کارروائی کرتے ہوئے دشمن کی کئی چیک پوسٹیں تباہ کیں اور اُسے بھاری جانی نقصان بھی پہنچایا۔
مزید پڑھیں: بھارتی فوج کی ایل او سی پر فائرنگ، 2 شہری شہید، 2 زخمی
ترجمان پاک فوج کے مطابق آزادی کشمیر کے علاقے وادی نیلم،کیرن میں فائرنگ کابڑا تبادلہ نہیں ہوا، اس حوالے سے بھارتی میڈیا نے بے بنیاد خبریں نشر کی۔
یاد رہے کہ تین روز قبل بھارتی فوج نے لائن آف کنٹرول پر لسوا گاؤں پر بلا اشتعال فائرنگ کی تھی، جس کے نتیجے میں 2 شہری شہید اور 2 شہری زخمی ہوگئے تھے۔
Intermittent CFVs by Indian Army continue along LOC, being befittingly responded. In response to CFV in Dewa Sector reports of damage to Indian posts and heavy casualties to Indian soldiers. No major exchange of fire in Kiran or Neelum valley as being propagated by Indian Media.
— DG ISPR (@OfficialDGISPR) December 21, 2019
آئی ایس پی آر کا کہنا تھا کہ شہید ہونے والوں میں 14سال کا شہریار اور 29 سال کا نوید شامل ہے جبکہ فائرنگ سے خاتون سمیت 2 افراد زخمی بھی ہوئے، پاک فوج نے دو روز قبل بھی دشمن کو منہ توڑ جواب دیا تھا جس کے نتیجے میں بھارت کی چوکی تباہ ہوئی اور اُسے بھاری جانی نقصان کا سامنا کرنا پڑا تھا۔
