بھارتی فوج کی بنڈالہ، چاہی نہالہ اور نالی سیکٹر میں بلااشتعال فائرنگ اور گولہ باری جاری ہے جس کا پاک فوج بھر پور جواب دے رہی ہے۔
تفصیلات کے مطابق لائن آف کنٹرول (ایل او سی) پر ایک مرتبہ پھر بھارتی جارحیت میں پہل کے بعد پاکستان کی جانب سے بھرپور جوابی کارروائی کی گئی۔
ریسکیو حکام کا کہنا ہے کہ بھارتی فائرنگ اور گولہ باری سے بزرگ شہری اور بچی زخمی ہوگئی جنہیں اسپتال منتقل کیا گیا ہے جبکہ مکان پر گولہ گرنے سے چھت منہدم ہوگئے اور 3 دیگر گھروں کو جزوی نقصان پہنچا ہے۔
پاک بھارت کشیدگی سے متعلق تمام خبریں
نالی سیکٹر میں پاکستان نے بھارتی فوج کے خلاف مؤثر جوابی کارروائی کی، اس موقع پر بھارتی پوسٹ تباہ کردی گئی، جس میں دشمن کو بھاری نقصان اٹھانا پڑا ہے۔
واضح رہے کہ 22 اپریل 2025 کو پہلگام میں سیاحوں کی ہلاکت کے بعد بھارت نے 6 اور 7 مئی کی درمیانی شب، اندھیرے میں پاکستان کے شہری علاقوں پر حملہ کرکے طبل جنگ بجادیا تھا۔
بھارتی حملے کے بعد پاکستان کی مسلح افواج نے بزدلانہ حملے کا منہ توڑ جواب دیتے ہوئے بھارتی فضائیہ کے 3 رافیل طیاروں سمیت 5 جنگی طیارے مارے گرائے، جب کہ ایک بریگیڈ ہیڈکوارٹر سمیت متعدد فوجی چیک پوسٹوں کو تباہ کردیا تھا، بھارتی فوج نے ایل اوسی کے چورا کمپلیکس پر سفید جھنڈ الہرا کر شکست تسلیم کرلی تھی۔
