کراچی : کراچی سمیت سندھ کے مختلف اضلاع میں ضمنی بلدیاتی الیکشن کیلئے پولنگ جاری ہے، اس موقع پر سیکیورٹی کے سخت انتظامات کیے گئے ہیں۔
تفصیلات کے مطابق کراچی ضمنی بلدیاتی الیکشن کے لئے پولنگ کا عمل جاری ہے، پولنگ صبح 8سےشام 5بجے تک بغیر وقفہ جاری رہے گی۔
کراچی کی دس، حیدرآباد کی پانچ، نواب شاہ اور سکرنڈ کی چار، سکھر اور ٹنڈو محمد خان کی دو، دو ۔۔ ٹنڈوالہیار اور گھوٹکی کی ایک ایک نشست پر ضمنی الیکشن ہورہے ہیں۔
کراچی میں میں 4 چیئرمین ، 2 وائس چیئرمین اور 4 وارڈ کونسلر کی نشستوں پر پولنگ جاری ہے۔
ضلع جنوبی یوسی 13 صدر کلفٹن کہکشاں میں چئیرمین کے انتخاب کیلیے 7 امیدوار مدمقابل ہیں، ضلع وسطی یوسی 5گلبرگ میں وائس چئیرمین کے انتخاب کیلیے 6 امیدوار مدمقابل ہیں۔
ضلع وسطی یو سی 7 لیاقت آباد میں چئیرمین کی انتخاب کیلیے 8 امیدوار اور ضلع کیماڑی یو سی 10 بلدیہ میں جنرل وراڈ نمبر 4 کیا نتخاب کیلیے 5 امیدوار مدمقابل ہیں۔
اس کے علاوہ ضلع میلر یوسی 9 میں چئیر مین کی کے انتخاب کیلیے 5امیدوار ، ضلع ملیر7 سات ابراہیم حیدری میں جنرل وراڈنمبر 4 کے انتخاب کیلیے 5 امیدوار ، ضلع غربی یوسی 5 منگھو پیر میں جنرل وراڈ نمبر 4 کے انتخاب کیلیے 5 امیدوار اور ضلع کورنگی یوسی7کورنگی میں جنرل وراڈ نمبر1 کے انتخاب کیلیے 7 امیدوار میدان میں ہیں۔
ضلع کورنگی یو سی7 ماڈل کالونی میں چئیرمین کے انتخاب کیلیے 12 امیدوار اور ضلع کورنگی یو سی 6 لانڈھی میں وائس چیئرمین کے انتخاب کیلیے 8 امیدواروں کے درمیان مقابلہ ہیں۔
شہر میں 167 پولنگ اسٹیشن میں سے 136 انتہائی حساس ، 26 پولنگ اسٹیشن حساس اور 5 نارمل قرار دیئے گئے ہیں۔
انتہائی حساس پولنگ اسٹیشنوں پر سی سی ٹی وی کیمرے نصب کیے گئے ہیں جبکہ اسٹیشنز پر 16 سے 18 اہلکار تعینات کئے گئے ہیں اور حساس پولنگ اسٹیشنوں پر 8 سے 12 پولیس اہلکار تعینات ہیں۔
حیدرآباد میں چار یونین کونسل کی پانچ نشستوں پر مقابلہ ہیں ، سکھر میں دو بلدیاتی نشستوں پر بائی الیکشن ہورہے ہیں جبکہ ضلع شہید بینظیرآباد کی تحصیل نواب شاہ اور سکرنڈ میں چار نشستوں پر ووٹنگ ہورہی ہے۔
گھوٹکی میں اوباڑو کی یونین کونسل کموں شہید میں چیئرمین کی نشست پرمقابلہ ہوگا، ٹنڈوالہ یار میں یونین کونسل لانڈھی کے وارڈ نمبر دو پر جنرل کونسل کی نشست پر پولنگ ہورہی ہے جبکہ جیکب آباد میں میونسپل کمیٹی کے وارڈ نمبر چھے پر ضمنی انتخاب ہوگا۔
