لاہور: پنجاب کے بلدیاتی الیکشن کے خلاف انٹرا کورٹ اپیلوں پر عدالت نے تحریری فیصلہ جاری کر دیا۔
تفصیلات کے مطابق لاہور ہائی کورٹ نے پنجاب کے بلدیاتی الیکشن کا نوٹیفکیشن معطل کر دیا ہے، تحریری فیصلے میں لاہور ہائی کورٹ نے 25 مئی کو فریقین سے جواب طلب کر لیا۔
تحریری فیصلہ جسٹس شجاعت علی اور جسٹس شاہد جمیل پر مشتمل 2 رکنی بینچ نے طاہر سلطان و دیگر کی درخواستوں پر سماعت کے بعد جاری کیا۔
درخواستوں میں بلدیاتی انتخابات سے متعلق آرڈیننس کی قانونی حیثیت کو چیلنج کیاگیا تھا، درخواست گزار کے وکلا نے کہا اس آرڈیننس کی مدت 10 جون کو ختم ہو رہی ہے، انتخابی نتائج کا اعلان الیکشن کمیشن 14 جون کو کرے گا، عدالت آرڈیننس کو غیر قانونی قرار دیتے ہوئے اسے کالعدم قرار دے۔
درخواست گزار نے استدعا کی کہ عدالت آرڈیننس کی مدت ختم ہونے کے بعد الیکشن نتائج کالعدم قرار دے، عدالت نے سماعت کے بعد بلدیاتی الیکشن کا نوٹیفکیشن معطل کر دیا اور 25 مئی کو فریقین سے جواب طلب کر لیا۔
عابد خان اے آروائی نیوز سے وابستہ صحافی ہیں اور عدالتوں سے متعلق رپورٹنگ میں مہارت کے حامل ہیں