The news is by your side.

Advertisement

لاک ڈاؤن کی خلاف ورزی، سندھ سے 472 افراد گرفتار

کراچی: کرونا وائرس کے پیش نظر 15 روزہ لاک ڈاؤن کی خلاف ورزی پر سندھ سے 472 افراد کو گرفتار کرلیا گیا۔

اے آر وائی نیوز کی رپورٹ کے مطابق کرونا وائرس کے پیش نظر لاک ڈاؤن کے پہلے روز خلاف ورزی پر سندھ سے 472 افراد کو گرفتار کرلیا گیا، کراچی سمیت سندھ میں مجموعی طور پر 72 مقدمات بھی درج ہوئے۔

ذرائع کے مطابق کراچی میں 33، میرپورخاص میں 2 اور لاڑکانہ میں 36 مقدمات درج کیے گئے۔

واضح رہے کہ کراچی سمیت سندھ میں کرونا وائرس کے پیش نظر سندھ حکومت نے 22 مارچ سے آئندہ 15 روز کے لیے صوبے بھر میں لاک ڈاؤن کردیا ہے۔

مزید پڑھیں: پاکستان میں کورونا وائرس سے6 افراد جاں بحق

لاک ڈاؤن کے دوران انتہائی ضرورت کے سوا شہریوں کے گھروں سے نکلنے پر پابندی ہے، کریانہ اور میڈیکل اسٹورز کھلے ہیں۔

خیال رہے کہ صوبائی وزیر ٹرانسپورٹ اویس شاہ نے صوبے بھر میں پبلک ٹرانسپورٹ پر بھی پابندی عائد کردی ہے۔

اویس شاہ کا کہنا تھا کہ صوبے میں شہروں کے اندر چلنے والی پبلک ٹرانسپورٹ بند رہیں گی، بسیں اور آن لائن سروس بھی نہیں چلیں گی۔

یاد رہے کہ پاکستان میں کرونا وائرس کے مریضوں کی تعداد 875 ہوگئی ہے، سندھ میں 394 کرونا وائرس کے مریض زیر علاج ہیں، وائرس سے پاکستان میں اموات 6 ہوگئیں جبکہ 6 مریض صحت یاب ہوچکے ہیں۔

fb-share-icon0
Tweet 20

Comments

comments

یہ بھی پڑھیں