The news is by your side.

Advertisement

لندن: نامعلوم چاقو بردار شخص کا حملہ، شہری زخمی

لندن: برطانوی دارالحکومت میں نامعلوم چاقو بردار شخص نے حملہ کردیا جس کے باعث ایک شہری شدید زخمی ہوگیا۔

تفصیلات کے مطابق لندن کے علاقے پیکھم میں رات کے پہر نامعلوم شخص نے مقامی شہری پر چھرے سے اچانک حملہ کردیا جس کی وجہ سے وہ شدید زخمی ہوگیا۔

غیر ملکی خبر رساں ادارے کا کہنا ہے کہ 20 سالہ زخمی شخص کو مقامی اسپتال منتقل کردیا گیا ہے، جہاں اس کی حالت ڈاکٹرز نے خطرے سے باہر بتائی ہے۔

پولیس نے واقعے سے متعلق تحقیقات شروع کردی تاہم اب تک کوئی گرفتاری عمل میں نہیں آئی، تاہم ایک خاص قسم کی ڈیوائس تیار کی جارہی ہے جس کی مدد سے ملزمان کو پکڑنے میں آسانی ہوگی۔

برطانیہ میں چاقو سے حملے کے واقعات میں دن بہ دن اضافہ ہوتا جارہا ہے اور اب تک درجنوں لوگ مارے جاچکے جبکہ متعدد زخمی بھی ہوئے۔

خیال رہے کہ گذشتہ سال اکتوبر میں لندن کے شمال میں ڈیوٹی پر موجود پولیس اہلکاروں پر چاقو بردار شخص نے حملہ کرکے شدید کردیا تھا۔

برطانیہ میں چاقو زنی کی واردات، 4 پولیس اہلکار زخمی

بعد ازاں سیکیورٹی اداروں نے ملزمان کے خلاف فوری کارروائی کرتے ہوئے کہ اقدام قتل اور ہنگامہ آرائی میں ملوث ہونے کے شبے میں دو 19 سالہ نوجوانوں کو حراست میں لیا تھا۔

یاد رہے کہ گذشتہ سال ستمبر میں برطانوی دارالحکومت میں 22 سالہ رنیم اودیہہ اور ان کی 49 سالہ والدہ کو سولی ہل کے علاقے میں چاقو کے وار کرکے شدید زخمی کیا گیا تھا، تاہم دونوں خواتین موقع پر ہی دم توڑ گئی تھیں۔

Comments

comments

یہ بھی پڑھیں