site
stats
عالمی خبریں

برطانیہ:دہشتگرد حملے کی منصوبہ بندی کاالزام ، مسلمان جوڑے کوعمر قید کی سزا

لندن : برطانیہ میں دہشتگرد حملے کی منصوبہ بندی کاالزام ثابت ہونے پر مسلمان جوڑے کو عمر قید کی سزا سنادی گئی۔

برطانوی میڈیا کے مطابق مذکورہ جوڑا سات جولائی دوہزار پانچ کو ہونے والے لندن دھماکوں کے دس سال مکمل ہونے پر دہشتگرد حملہ کرنے کی منصوبہ بندی کررہا تھا، محمد رحمان نامی ملزم سائلنٹ بامبرنامی ٹوئٹر ہینڈل کے ذریعے لوگوں سے حملوں سے متعلق مشورہ بھی مانگتا تھا، جس پر محمد رحمان کو مئی میں گرفتار کر لیا گیا تھا۔

عدالت نے مجرم محمد رحمان کو ستائیس سال اور اس کی سابقہ اہلیہ ثناء احمد خان کو پچیس سال قید کی سزا سنائی، جرم کے ارتکاب کے وقت ثناء احمد رشتہ ازدواج میں منسلک تھی تاہم اب ان میں طلاق ہوچکی ہے۔

مجرموں کو عمر قید کی سزا سناتے ہوئے جج نے محمد رحمان سے کہا کہ وہ شدت پسند تنظیم داعش کی جہاد کی کال پورے کرنے کے لیے پرعزم تھے۔ اس منصوبہ بندی میں شامل محمد رحمان کی اہلیہ ثنا احمد خان کا جرم یہ ہے کہ انھوں نے طاقتور بم بنانے کے لیے رقم اکٹھی کی۔ جج نے فیصلہ سناتے ہوئے کہا کہ اس جانب راغب ہونے کی وجہ تو معلوم نہیں ہو سکی‘ لیکن یقین ہے کہ رحمان برطانیہ میں دہشت گردی کی کارروائی کرنا چاہتے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top