لندن: برطانوی دارالحکومت لندن برج پر پولیس کی فائرنگ سے چاقو بردار شخص ہلاک ہوگیا۔
غیرملکی خبررساں ادارے کی رپورٹ کے مطابق لندن برج پر لوگوں پر چاقو سے حملہ کرنے والا شخص پولیس کی فائرنگ سے مارا گیا، واقعے میں متعدد افراد زخمی بھی ہوئے۔
برطانوی میڈیا کا کہنا ہے کہ لندن برج پر پولیس کی بھاری نفری تعینات ہے اور برج کو سیل کردیا گیا ہے۔
رپورٹ کے مطابق پولیس کی فائرنگ سے مارا گیا شخص چاقو کے ذریعے لوگوں پر حملہ کرنے کی کوشش کررہا تھا۔
لندن پولیس کا کہنا ہے کہ چاقو بردار شخص کے حملے سے 5 افراد زخمی بھی ہوئے جنہیں طبی امداد کے لیے اسپتال منتقل کردیا گیا ہے۔
#BREAKING
A man running around with a knife and been shot in #Londonbridge
(Please note this is not a terrorist attack until it is confirmed as Terror) pic.twitter.com/sxx93Y0T0m— News flash (@BRNewsFlash) November 29, 2019
لندن پولیس کا کہنا ہے کہ واقعے میں ایک شخص کو حراست میں بھی لیا گیا ہے۔
عینی شاہدین کا کہنا ہے کہ لندن برج پر لوگوں کا ہجوم تھا کہ اچانک ایک شخص نے چاقو سے حملہ کرنا شروع کردیا جس کے سبب بھگدڑ مچ گئی۔
واضح رہے کہ رواں سال اپریل میں بھی 17 سالہ نوجوان چاقو کے متعدد وار کے باعث ہلاک ہوگیا تھا، مقتول جھگڑے کے دوران چاقو زنی کا شکار ہوا تھا۔
خیال رہے کہ برطانیہ میں بچوں کے حقوق کے کام کرنے والے کمشنر کی جاری کردہ رپورٹ میں بتایا گیا تھا کہ 10 برس سے 17 برس کی عمر کے ایسے 27ہزار بچوں کی شناخت ہوئی جو صرف انگلینڈ میں جرائم پیشہ گروہوں سے وابستہ ہیں۔
رپورٹ میں بتایا گیا تھا کہ برطانیہ میں 3 لاکھ 13 ہزار کم عمر بچے گینگ ممبر ہیں اور 34 ہزار بچے ایسے ہیں جو پُرتشدد جرائم کا تجربہ کرچکے ہیں۔
