لندن میں ریلوے اسٹیشن پر اچانک ای بائیک میں آگ لگ گئی اور کچھ ہی دیر میں بائیک میں دھماکہ ہوگیا۔
غیر ملکی ذرائع ابلاغ کے مطابق یہ واقعہ 21 کو مارچ پیش آیا، اس وقت اسٹیشن پر عوام کا جم غفیر موجود تھا، دھماکے کے فوری بعد فائر بریگیڈ کا عملہ پہنچا اور آگ پر قابو پایا۔
غیر ملکی میڈیا کے مطابق الیکٹرانک بائیک میں اچانک آگ لگی اور بعدازاں اس کے پھٹنے سے آگ کے شعلے دور دور تک جا گرے، خوش قسمتی سے واقعے میں جانی نقصان نہیں ہوا۔
اسٹیشن آفیسر نائیجل میک لاچلن نے بتایا کہ موٹر سائیکل کے مالک نے بائیک 4 ماہ قبل آن لائن خریدی تھی، اس میں کوئی خرابی نہیں تھی۔ مگر اچانک اس میں آگ لگ جانا حیرت کا باعث ہے۔
قاتلوں کاخون آلود خنجر کے ساتھ جشن، انتقامی قتل کی ویڈیو نے سب کو چونکا دیا
انہوں نے اس بات پر زور دیا کہ اگر ایسی اشیاء کو آن لائن بازاروں سے خریدا جائے تو اس میں زیادہ خطرہ ہوتا ہے کہ انہیں صحیح بیٹری اور چارجر کے بغیر فروخت کردیا جائے جو بعد میں بڑے نقصان کا باعث بن سکتی ہیں۔
