بھارتی حیدرآباد میں پیش آنے والے ایک دل دہلا دینے والے واقعہ میں قاتلوں نے ایک نوجوان کے قتل کے بعد خون سے بھرے چاقو کے ہمراہ جشن منایا اور ویڈیو کو سوشل میڈیا پر شیئر بھی کردیا۔
غیر ملکی ذرائع ابلاغ کے مطابق قتل کی ہولناک واردات اتوار کی رات حیدرآباد کے مضافاتی علاقے باچوپلی میں پیش آئی۔
ملزمان نے قتل کرنے کے بعد جشن منایا اور ویڈیو کو سوشل میڈیا پر پوسٹ کیا، پرگتی نگر ٹینک کے قریب دو حملہ آوروں نے مقتول تیجا عرف سدھو پر چاقو سے حملہ کرکے قتل کردیا۔
حملہ آوروں اور سدھو کی پرانی دشمنی تھی، باچوپلی پولیس نے اس سلسلہ میں مقدمہ درج کرتے ہوئے حملہ آوروں کی تلاش کے لئے ٹیمیں تشکیل دے دی ہیں۔
ابتدائی تحقیقات کے بعد یہ بات سامنے آئی ہے کہ مقتول کو چاقو کے تقریباً 11 زخم آئے ہیں جو جسم پر نمایاں تھے۔ پولیس کا کہنا ہے کہ ملزمان کی گرفتاری کے لیے چار ٹیمیں تشکیل دے دی گئی ہیں۔
بیوی کو قتل کرکے لاش الماری میں چھپا کر فرار ہونے والا ملزم گرفتار
پولیس کے مطابق مقتول 2023 میں درج قتل کیس میں نامزد تھا اور دو ماہ قبل جیل سے رہا ہوا تھا۔
