بھارت میں لندن سے آنے والے ڈاکٹر کو تانترک بابوؤں نے بے وقوف بنا کر کروڑوں روپے بٹور لیے۔
بھارتی میڈیا کے مطابق میرٹھ میں ڈاکٹر کو جعلی ‘الہ دین کا چراغ’ فروخت کرنے والے دو جعل سازوں کو گرفتار کر لیا گیا۔
ڈاکٹر لئیق لندن سے واپس آئے تھے اور انہیں تانترک بابوؤں نے اپنے جال میں پھنسا کر کنگال کر دیا۔
تانترک بابوؤں نے ڈاکٹر کو ڈھائی کروڑ روپے کے عوض نقلی چراغ یہ کہہ کر بیچ دیا کہ اس کی جادوئی طاقت سے تمام خواہشات پوری ہوں گی۔
ڈاکٹر بھی ان کی باتوں میں آ گیا اور ڈھائی کروڑ روپے ادا کر کے چراغ خوشی خوشی لے کر گھر پہنچ گیا مگر اس کی خوشیاں اس وقت غارت ہو گئیں جب اسے چراغ کی حقیقت معلوم ہوئی۔
متاثرہ شخص کی شکایت پر پولیس نے دونوں جعل سازوں کو گرفتار کر لیا اور ان سے تحقیقات کی جارہی ہیں۔
