لندن: برطانوی دارلحکومت میں واقع ٹاور ہل اسٹیشن پر چارجر پھٹنے کے باعث دھماکا ہوا جس کے بعد مسافروں میں بھگدڑ مچی اور 5 مسافر زخمی ہوئے۔
برطانوی پولیس کے مطابق ٹاور ہل اسٹیشن پر دھماکا ٹیلی فون کا چارجر پھٹنے کے باعث پیش آیا، دھماکے کی آواز سُن کر مسافروں میں بھگدڑ مچ گئی جس کے باعث 5 افراد زخمی ہوئے۔
قبل ازیں اطلاعات تھیں کہ لندن میں ایک بار پھر دہشت گردی کا واقعہ سامنے آیا، جس میں لندن ہل ٹاور اسٹیشن کو نشانہ بنایا گیا۔
When a bag explodes on a tube, we do not know the size the device. But we know we live with fear #towerhill pic.twitter.com/T8TAi23ekh
— Katie Hopkins (@KTHopkins) September 26, 2017
دھماکے کے بعد پولیس اور سیکیورٹی اداروں کی بھاری نفری جائے وقوعہ پہنچی اور علاقے کو سیل کر کے شواہد جمع کرنے کا عمل شروع کیا، پولیس نے ممکنہ حملے کے پیش نظر مسافروں کو اسٹیشن سے دور رہنے کی ہدایت بھی کردی۔
Officers have been called to Tower Hill station following a fire alert. The station is closed whilst officers and @LondonFire respond.
— BTP (@BTP) September 26, 2017
ہل اسٹیشن پر دھماکے کے بعد ریسکیو کا کا عملہ جائے وقوعہ پر پہنچا اور ایمبولینسز کے ذریعے زخمیوں کو قریبی اسپتال منتقل کیا۔
واضح رہے کہ رواں ماہ کی 15 تاریخ کو لندن میں زیر زمین ٹرین اسٹیشن میں دھماکا ہوا تھا جس کے نتیجے میں 20 افراد زخمی ہوئے تھے، پولیس کے مطابق دھماکا خیز مواد زیر زمین کھڑی ٹرین کی ایک بالٹی میں رکھا گیا تھا۔
پڑھیں: لندن دہشت گردی: رواں سال چار بڑے واقعات، 13 افراد ہلاک
