بال ہماری شخصیت اور خوبصورتی کو اجاگر کرنے میں انتہائی اہمیت کے حامل ہوتے ہیں، خصوصاً خواتین اس معاملے میں بہت زیادہ حساس ہوتی ہیں۔
اس کیلئے وہ ہر وہ نسخہ یا پروڈکٹ استعمال کرتی ہیں جس سے ان کے بالوں میں نکھار اور خوبصورتی پیدا ہو۔
آج ہم آپ کو کچھ ایسے گھریلو طریقے بتارہے ہیں جس سے آپ اپنے بالوں کو مزید خوبصورت بناسکتی ہیں۔
اے آر وائی ڈیجیٹل کے پروگرام گڈ مارننگ پاکستان میں ماہر بیوٹیشن ڈاکٹر بتول نے ناظرین کو ہیئر سیل کریم بنانے کا طریقہ بتایا جو بالوں کی نشونما اور ان کی صحت کیلئے بہت کارآمد ہے۔
اجزاء :
چاول کا پانی آدھا کپ، پانچ مٹر کی پھلیاں چھلکوں سمیت ایک عدد جاپانی فروٹ املوک، آدھا گلاس کوکونٹ کریم ملک، چار قطرے زیتون کا تیل اور چند قطرے زنکیٹ سیرپ ۔
ترکیب :
ان تمام اشیاء کو ملا کر اس کو تھوڑا سا گرم کریں اور فرائی پین سے چھان کر نکال لیں ہیئر سیل کریم تیار ہے، اس کو جڑوں سمیت پورے بالوں میں لگا لینا ہے اور آدھے گھنٹے بعد دھولیں اس کو دھونے کیلیے شیمپو لگانے کی بھی ضرورت نہیں۔
